寫黃子華的經典語錄

　　我第一次戀愛之前，我認為自己就系楊過。而我同書里面個楊過唯一唔同嘅地方，就系佢有只大鵰。

　　我只需要愛情，只要搵到我嘅小龍女，我就可以拋棄學業，退隱山林，搬入新界住。但系我一定要住西班牙別墅，我唔住得村屋，我怕蛇蟲鼠蟻。

　　然后每個月至多出一次市區，不過我唔會逗留得耐，問亞媽攞完零用錢我就會入番入去。

　　冇錯，基本上，我由中一至中五都系喺呢種咁超然嘅思想下度過。

　　嗰陣時學校最流行嘅辯論題目系：中學生應否談戀愛？我認為，我哋應該辯論嘅系中學生應否讀書？

　　而喺我第一次戀愛之前，我嘅小龍女只需要一個條件，就系靚，我知我咁樣諗好膚淺，但系嗰陣時我仲細，唔知道原來身材都好重要嘎。

　　系愛情之中，女人最偉大！

　　男人嘅犧牲，就為咗追求美麗；而女人嘅犧牲，就只系得到一個麻甩佬！而最偉大嘅系佢哋根本唔覺得系犧牲。

　　如果你話畀一個女人聽，喂，你男朋友有口臭！

　　如果你話我聽，因為我唔靚仔，所以唔可以做戲，你唔應該話我聽！因為唔關我事，我唔應該負呢個責任，你應該同我父母講，系佢哋搞成我咁嘅。如果你要罰，應該罰佢哋。以后，邊個丑樣，就罰佢爸爸媽媽唔準做戲！或者剩系做茄呢啡！

　　我唔系一個唔負責任嘅人，為我爸爸媽媽嗰短短一剎嘅快感，我已經負責負咗廿幾年。你估做我好易做啊？

　　我細個讀書唔好，或者唔合格，我冇要父母負責。我自己簽曬啲成績表嘅。

　　每當我爸爸媽媽有爭執鬧交嘅時候，我有冇叫佢哋為咗我嘅童年著想，忍下對方？冇！我叫佢哋出街鬧！

　　我大個咗，唔知應該信邊個宗教，唔知做人為乜，唔知人生事業嘅方向都冇要求父母照顧我。

　　靚仔系唔系真系咁重要啊？有啲人話男人唔駛靚仔嘅，有才華咪得啰。

　　我帶住我嘅才華入到去，幾艱難先搵到個女仔肯俾個機會我。唔系俾機會我交換問題，而系畀機會我天才表演。

　　唱歌跳舞做話劇講大話功夫表演，成套歡樂今宵一個人做一次

　　我從小就知道，我系一個偉大嘅演員。

　　雖然系咁，雖然，我亦都系成班人之中最細嗰個。但系我已經可以將一個妒忌嘅男人心態表現得淋漓盡至。

　　當然，我啲朋友個個都讚我，話我天生出嚟，就系戴綠帽嘅。

　　細個嗰陣，我系唔怕死嘅。

　　我覺得，系以前啲人先會死嘅。系歷史書里面嘅人至會死。好多人唔明歷史有乜用，歷史咪話你聽邊啲人死咗啰。

　　我從來未睇過一本歷史書有提到黃子華呢個名，我點會死啊。最緊要系，就算死都唔系乜嘢一回事。

　　細個嗰陣隔離陳師奶成日叫佢老公：咁多人去死你仲唔去死？

　　然后去完番嚟,阿陳師奶又會話：死番嚟啦，唔死多陣添？

　　所以我一路都認為，去死，即系去街，同埋一定唔會去好遠。因為阿陳生每次都好快就返嚟嘅。

　　點解要帶金撈？唔帶撈，有乜資格同人講，時間系寶貴？我嘅時間點值錢呀？

　　嗱，支時針圍住行一個圈，12個鐘，十幾皮嘢，即系為皮幾嘢一個鐘。你一個鐘值幾錢啊？

【寫黃子華的經典語錄】相關文章：

關于黃子華的經典語錄05-10

黃子華經典語錄（精選50句）01-26

黃子華經典名言02-20

黃子華語錄錦集03-01

黃子華嘩眾取寵語錄05-11

寫寂寞的經典語錄05-18

寫教師的經典語錄05-09

壞蛋經典語錄摘寫02-26

娜寫年華經典語錄05-10